Сенбі, 3 наурыз 2012 7:28
Елбасымыз өткен жылғы Қазақстан халқына арнаған Жолдауында түрліжәрдемақы, төлемақылармен шектелмей, жұмыссыздықпен нақтытүрде күресу керектігін қадап айтқан болатын. Соған орай республикаүкіметінің қаулысы да шығып, еліміздің жер-жерінде жұмыспенқамтамасыз ету орталықтары құрылған-ды. Соның бірі Семейдегіжұмыспен қамтамасыз ету орталығы коммуналдық мемлекеттікмекемесінің директоры Тұрсынбек Шинжинге жолығып, жаңа мекеменіңжұмысы туралы айтып беруін өтінген едік.
Сенбі, 3 наурыз 2012 7:28
Елбасымыз өткен жылғы Қазақстан халқына арнаған Жолдауында түрліжәрдемақы, төлемақылармен шектелмей, жұмыссыздықпен нақтытүрде күресу керектігін қадап айтқан болатын. Соған орай республикаүкіметінің қаулысы да шығып, еліміздің жер-жерінде жұмыспенқамтамасыз ету орталықтары құрылған-ды. Соның бірі Семейдегіжұмыспен қамтамасыз ету орталығы коммуналдық мемлекеттікмекемесінің директоры Тұрсынбек Шинжинге жолығып, жаңа мекеменіңжұмысы туралы айтып беруін өтінген едік.
– Мемлекет басшысының Қазақстан халқына арнаған биылғыЖолдауында келелі он мәселе қозғалса, соның ішіндеқазақстандықтардың жұмысқа тартылуы бірінші кезекте қарастырылғаныбелгілі, – деп бастады өз сөзін Тұрсынбек Дүйсенбайұлы. – Мұның өзіқазақстандықтарды жұмыспен қамту мәселесінің Елбасымыздыңтұрақты назарында екендігін көрсетсе керек.
Соған орай, өткен жылдың ортасына қарай іс-шаралар жоспары бекітіліп, іле «Семей қаласы әкімдігінің жұмыспен қамту орталығы» коммуналдық мемлекеттік мекемесі құрылды. Мұның сыртында «Жұмыспен қамту бағдарламасын» іске асыру жөніндегі қалалық комиссия жасақталды. Осыдан кейінгі жерде жаңа мекеменің мақсаты мен міндетін қалың бұқараға жеткізуге күш салдық. Осы мақсатпен жергілікті ақпарат құралдарының күшіне сүйендік. Сонымен бірге, қала көшелерінде сыртқы және визуалды жарнамаларды – жарық таблоларын, баннерлер мен стенділерді орнату жұмыстары тездетіп қолға алынды. Орталық ғимараты да талапқа сай безендірілді. Аталған бағдарламаның негізгі үш бағыты ауылды жерлерде де кеңінен насихатталды.
Бағдарламаны іске асыру мақсатымен орталықта, сондай-ақ азаматтарға кеңес беру қызметі ашылды. Күн тәртібіндегі мәселе бойынша мекеме, ұйым басшыларымен, ауылдық окургтердің әкімдерімен семинар-жиналыстар, дөңгелек үстелдер жиі өткізіле бастады. Осындай жүйелі жұмыстардың нәтижесінде жыл аяғына дейін орталыққа екі мыңға жуық адамнан өтініш түсті. Оның ішінде өз бетінше жұмыспен айналысып жатқандар да, жұмыспен аз қамтылғандар да, мүлде жұмыссыздар да баршылық еді. Бұлардың арасында жастар мен әйелдер де аз болмады.
Жұмыспен қамту бағдарламасының үш бағыттан тұратыны белгілі. Бірінші пилоттық бағыт шеңберінде бағдарламаға қатысушылармен мың жарымнан астам шартқа қол қойылды. Өткен жылы мемлекеттік тапсырыс бойынша белгіленген межеден тыс жүз елуден астам кәсіптік даярлауға қабылданды. Олар 42 мамандық бойынша 21 оқу орнында оқып жатыр. Ал қайта даярлау және біліктілікті көтеру курстарында бес жүзден астам адам білім алды. Соның үш жүз елуден астамы жұмысқа орналастырылды.
Бағдарламаға қатысушыларды жұмысқа орналастыру мақсатында 128 жұмыс берушімен ниет хаттамаларына қол қойылып, сегіз жүзге жуық адам жұмыспен қамтамасыз етілді. Өткен жылдың екінші жартысында осы жұмысқа деп республикалық бюджеттен бөлінген қаржы тұтасымен игерілді. Ал бағдарламаның екінші бағыты алдағы үш жылды қамтыса, осы мақсатпен орталық ауылды жерде жұмыссыздықпен күресті бастап кетті. Бағдарламаға қатысушылардың сапына келіп қосылған жүзден астам адамның басым дені шағын несие алуға тілек білдіріп отыр. Ал өткен жылы шағын несие алуға бөлінген қаржы да тұтасымен игерілген болатын.
Ауылды жерде мал шаруашылығын дамыту мақсатымен – 83, көкөніс өсіруді өркендетуге арналған – 3, ал шағын наубайхана, шаштараз ашуға арналған бес бизнес жоба қабылданып отыр.
Бағдарламаның үшінші бағыты бойынша халықты экономикалық әлеуеті төмен елді мекендерден экономикалық өсу орталықтарына көшіру қарастырылған. Семей өңірі бойынша алты елді мекен есепке алынып отыр. Оларда қоныс аударуға тиіс елу үш отбасы анықталған. Семейде соған орай елу үйдің құрылысы басталып кетті. Бастапқыда жалға берілетін бұл үйлердің бағасы өте төмен. Кейін оны сатып алып жекешелендіруге де болады.
Елбасы биылғы Жолдауында жұмыспен қамту бағдарламасының үш бағыты биыл одан әрі жалғасын табатынын айтты. Биыл кәсіптік оқытуға 325, ал қайта даярлау мен біліктілікті арттыруға бес жүз адам жіберу жоспарланды. Бес жүз адам уақытша әлеуметтік жұмыс орындарына қабылданбақ. Биылғы жылы 135 адамға екі жүз миллион теңгеден астам несие берілмек. Ал үшінші бағыт бойынша қолға алынып жатқан игі жұмысты жоғарыда айтып үлгердік. Экономикалық әлеуеті төмен елді мекендерден қалаға қоныс аударушылар көшіне 9,908 миллион теңге субсидия қарастырылған.
Міне, осының бәрі айтқанға ғана оңай. Бірақ әлемдік дағдарыстың екінші толқынына қарамастан Үкіметіміздің батыл қадамға барып отырғаны көп нәрсені аңғартса керек. Иә, Үкімет те, жергілікті билік те Елбасы Жолдауында айтылған міндеттерді жүзеге асыру мақсатымен іске кірісіп кетті. Ал ендігі шаруа өзімізге байланысты. Сондықтан бір жағадан бас, бір жеңнен қол шығара жұмыс істеу керек деп білеміз.
– Әңгімеңізге рахмет.
Әңгімелескен Дәулет Сейсенұлы.
Семей.