Жаңа орталықтың ашуға көмек қолын созған бірден-бір азамат Чехия Ұлттық кітапханасының директоры Мартин Косандо екенін айта кеткеніміз жөн. Үлкен екі залдан тұратын жаңа орталықтың ашылу салтанатында сөз сөйлеген Касандро мырза да Абай мұрағатына үлкен құрметпен қарайтынын жеткізді.
«Біздің елде тарихи аңыздардан көп сыр шертетін көпірлер көп. Көпір адамдарды жақындастыратын болса, қаламгер тұлғалар ел мен елді таныстырады. Бұл ретте Абай мұрасы - біздің ел мен сіздердің елдеріңізді қосып тұрған рухани көпір. Абайдың Чехия төріне жайғасқан жаңа келбеті алдағы уақытта үлкен зерттеулерге жол ашатынына сенімдімін» деді М.Косандро.