Бұл күндері Францияның Марсель қаласында теннистен жүлде қоры 700 мың евроны құрайтын турнир өтіп жатыр.
Осы жарыста ерлер арасындағы еліміздің ең танымал теннисшісі Михаил Кукушкин де бақ сынауда. Өкінішке қарай, оның қадамы сәтті болмады. Өзінің тұсаукесер кездесінде жерлесіміз Францияның теннисшісі Пьер-Юг Эрберден 6:7, 4:6 есебімен ұтылып қалды.
Бір айта кетерлігі, Францияның өкілі жекелеген бәсекелерде кереметтей өнер көрсетпегенімен, жұптық сайыстарда қол жеткізген табыстары толағай. Ол әр жылдары «Үлкен дулыға» санатындағы төрт турнирдің барлығында топ жарған.