Алдағы тәуліктерде оңтүстікте, оңтүстік-шығыста, шығыста арктикалық фронттың өтуіне байланысты жауын-шашын, әсіресе қар жауады. Бұл туралы «Қазгидромет» РМК баспасөз қызметі хабарлады.
«Бірақ республиканың солтүстік және батыс облыстарына жылжыған суық және кең антициклон, қалған аумақтарға да тез тарайды. Сондықтан 8 наурыз мерекесі күні Қазақстанда салқын, бірақ ала бұлтты және жауын-шашынсыз ауа райы күтіледі. Бірақ дүйсенбі күні республиканың батыс облыстарына Қара теңізден жылы ауа массалары түседі, олар Қазақстанның қалған аумағында да суықты тез шығарады», делінген хабарламада.