Мемлекеттік қызмет көрсету жетілдіріледі

Мемлекет басшысының бұл мәселеге назар аударуы тегін емес. Осы саланы жетілдіре түсу, қызмет көрсету сапасын арттыру бүгінгі күні кезек күттірмейтін мәселе. Жуырда Солтүстік Қазақ­стан облыстық Мемлекеттік қыз­мет департаментінің басшысы Елена Степаненко журналис­тер­ге осы Жолдаудың талаптарын іске асыру аясында атқа­ры­лып жат­қан жұмыстар және 9 айдың қоры­тындысы туралы айтып берген еді.

Үстіміздегі жылдың 9 айын­да Мемлекеттік қызмет депар­таментінің мәліметіне қарағанда жергілікті атқарушы органдар халыққа барлық қызметтің 92,5%-ын электронды түрде көрсеткен. Бұл шамамен 3,8 млн қызмет деген сөз. Ал барлық қызмет саны 4,8 млн болған. 2019 жылдың сәйкес мерзімімен салыстырғанда бұл 14% көп. Қазір қағаз түрінде ұсы­нылатын қызметтер санының қыс­қартылуы жалғасуда. Соның ішін­де Мемлекеттік корпорация бөлім­дері арқылы көрсетілген қыз­меттер 2 есе, балама қыз­меттер 3 есе азайды. Сонымен қатар, Елбасының электронды мем­лекеттік қызметтерді дамы­ту және электронды қызмет­тер үлесін 90%-ға дейін жеткізу жөнін­дегі тапсырмасын ескере отырып, департамент «бір өтініш» негі­зінде бірнеше мемлекеттік қыз­мет көрсету үшін қызметтер тізі­ліміне, қызмет көрсету барысында қолданылатын ақпа­рат­тық жүйелерге талдау жасау­да. Мәселен, биыл Агенттікке туыл­ған баланы асырап алу және қамқорлыққа алу қызметін «Баланың тууы мен күтімі бойынша жәрдемақы тағайындау» қызметімен бірге проактивті нысанда көрсету жөніндегі ұсыныс жіберілген. Сондай-ақ 146 қыз­мет бойынша проблемалық мәсе­лелер туындаған. Оларды жою жөніндегі ұсыныстар да Агент­тікке жолданыпты. Соның ішінде оң шешімін тапқан мәселелердің бірі – облыстың шаруа қожа­лық­тарына тыңайтқыштар құнын төлеу үшін субсидия бөлу жө­ніндегі өтініштерін беруіне мүм­кіндік туған. Қазір олар субсидия­ларды ресімдей бастады.

Электронды нысанға ауыс­ты­рылған мемлекеттік қызмет­тердің қолжетімділігіне мони­торинг жасалғанда да кей­бір проблемалардың бары анық­талған. Мысалы, бүгінгі күні мүлік салығын есептеуде проб­лема туындап отыр. Өйткені, мем­­лекеттік органдардың ақпа­рат­тық жүйелерінде ақаулар пайда болуда. Сондықтан есептел­ген салықтар бойынша түзету­лер енгізу мақсатында мем­лекеттік кірістер органдарымен «е-Салық» қосымшасы жасалған.

Электронды қызметтерді іске асыруда «Өзіне-өзі қызмет көрсету» секторлары ерекше орын алуда. Қазір облыста сондай 828 сектор қызмет етуде, соның ішінде биыл ғана 127 сектор қосымша ашылған.

Облыс орталығында 123 бұ­рыш бар, олардың барлығы 2 Gis қосымшасына енгізілген, қал­ғандары, яғни 85,1% ауыл­дық елдімекендер мен аудан ор­та­лықтарында орналасқан. «Өзі­не-өзі қызмет көрсету» бұ­рыш­тары арқылы алынған қыз­меттер саны былтырғы жылмен салыстырғанда 27 мыңға ұлғайды.

Президент ұсынған «Халық үніне құлақ асатын мемлекет» тұжырымдамасын жүзеге асыру шеңберінде облыс әкімдіктері Сервистік әкімдіктер форматына көшуде. Қазір бар­лық 13 ауданның 12-інде Ашық әкімдіктер қызмет етуде. Сонымен қатар, Петропавл қала­сының Ашық әкімдігі жанында былтырдан бастап «109 iKomek» бірыңғай анықтамалық қызметі жұмыс істей бастады.

Сонымен бірге «Агро Үйде» «Агро Көмек» сервис ор­талығы ашылды, мұнда ауыл­шаруашылық саласы­ның 5 бағыты бойынша 5 маман кеңестік көмек көрсетуде. Департамент қызметкерлері жұмыс қабілеттері және жайлы жағдайлардың жасалуына мониторинг жүргізіп, қызмет көрсету үдерістерін жетілдіру бойынша ұсыныстар енгізуде.

Ағымдағы жылы үздіксіз жұмысты қамтамасыз ету үшін сұранысқа ие және аса маңызды мем­л­екеттік қызметтерді «Элек­тронды үкімет» порталы, «eGovmobile» мобильді қосым­шасы және Telegram мессенджері арқылы алу мүмкіндігін түсін­діретін 83 оқыту нұсқамасы әзір­­ленді. Сонымен қатар, бұл ақ­парат Instagramдағы «eGOV-та қалай мемлекеттік көрсетілетін қызметтерді алуға болады» деген парақшада орналастырылған. Нұс­қамалар ҮИК, еріктілер және коммуналдық қызметтер тұтыну­шыларының жеке кабинеттері арқылы таратылған. Әзірге оған 4520 жеке тұлға және 3035 заңды тұлға кірген. Электронды цифрлы қол қоюды (ЭЦҚ) қашықтан алу үшін eGov mobile, Digital agent қосымшалары бойынша түбір­тектермен бірге түсіндіру кітапшалары мен парақшалары қоса жіберіледі.

Былтырғымен салыстырғанда көр­­­сетілген мемлекеттік қыз­мет­­тер саласындағы әкімшілік құ­­қық бұзушылықтар саны 4,7 есе тө­мендеді. Мемлекеттік қыз­мет көр­сету және мемлекеттік орган­­­дар­­дың жұмысына қатысты Де­пар­­­­т­аментке барлығы 36 өті­ніш тү­сіп, олардың алтауының бұзыл­­ған құ­қықтары толық қал­пына кел­ті­рілген. Мысалы, «Пуш­кин» ЖШС шағымының Есіл ауда­ны­ның жер кадастры бөлі­мі­нің үс­тінен жер учаскесінің құ­­нын анық­тау бойынша қателік жібе­­рілг­ені туралы шағымы анық­талды. Депар­тамент ұсы­ныс­тарын жібер­ге­нінен кейін артық төленген қаражат өтініш иесінің шотына қайтарылды.

Алайда баяндамада Прези­денттің Жолдауындағы тағы бір талабы – мемлекеттік қызметшілер санының қысқартылуы бойынша ешқандай деректер айтылмады. Оның үстіне нақты фактілер көрсетілмей, жалпылама айтылған жайлар журналистер тарапынан наразылық тудырды.

Солтүстік Қазақстан облысы