Су тасқыны кезеңіне дайындық

Оның айтуынша, су тасқыны қаупінің алдын алу үшін кәсіпорын өткен жылдың күзінен бастап су қо­й­м­­аларында бос сыйымдылықтар құру бойынша жұмыс жүргізіліп келеді.

«Біз бұл бағытта 2020 жылдың күзінен бастап жұмыс істеп келе­міз. Сондай-ақ, бассейндік инспек­ция­лармен, ТЖ өкілдерімен және әкім­дік­термен бірлесіп гидро­тех­ни­ка­лық құрылыстарды көзбен шолып тексеру жүргіздік. ТЖ туындаған жағдайда құрылыс және басқа да инертті материалдардың, қаптардың қажетті қорлары дайындалды, тиісті арнайы техника бар, ЖЖМ дайындалды», деді ол.

Ерлан Сәдуақасов «Қазсушар» РМК балансында республикалық мен­шік­тегі 4 953 су шарауашылығы және гидромелиоративтік объектілер, оның ішінде 86 су қоймасы, 84 су торабы, 36 бөгет, 103 сорғы стансасы, 46 бас құ­рылыс, 3 298 канал және басқа да су шаруа­шылығы объектілері бар екенін жет­кізді.

«Барлық су қоймалары бекітілген кес­теге сәйкес іске қосу режімінде жұ­мыс істейді және көктемгі су тасқынын қа­б­ылдауға арналған сыйымдылық қоры бар. Оны жобалық көлемге дейін толтырған және үлкен тасқын сулар келген жағдайда транзиттік режімде жұмыс істейтін болады», деп хабарлады Қазсушар басшысының орынбасары.

Е.Сәдуақасов Қазақстанда су тас­қыны кезеңі оңтүстік өңірлерді қоспа­ған­да, наурыз айының басында басталатынын, ал еріген су ақпанның басында келетінін атап өтті. Су тасқыны мау­сымының сәтті өтуі ауа-райы жағ­да­йына және су тасқынына қарсы уақ­ты­лы қабылданған шараларға тікелей байланысты.

«Ақпан айында Қазгидромет ылғал қорының көлемі мен то­пырақтың қату тереңдігі туралы ақпаратты ұсынады. Бұл көктемгі су тасқыны қаупі бар аймақтарды анықтайды. Сондай-ақ, олардың мәліметтері негізінде біз су қой­маларының жұмыс режімін тү­зетеміз. Бұл қауіпті гидрологиялық құбылыстарды дер кезінде анықтау, гидротехникалық құрылыстардың жағдайын бақылау үшін жасалады», деп түйіндеді ол.