Солтүстік Македонияда алапат өрт болды. Елдің Тетово қаласында коронавирустан емделушілерге арналған аурухана өртеніп кетті, деп хабарлайды Egemen.kz.
Жергілікті «Бесінші арна» басылымының хабарлауынша, жалын бірнеше минут ішінде бүкіл ғимаратты шарпыған. 15 адам қаза тапты.
Басылымның хабарлауынша, тағы 20 адамды ауыр күйік шалған. Науқастар көрші Скопье қаласының ауруханаларына жеткізілді.
Өрт сөндірушілер өртті бірнеше сағат ішінде ауыздықтады.
Алдын ала болжам бойынша өрттің тұтануына оттегі цилиндрінің жарылуы себеп болған.