Мемлекеттік хатшы Қырымбек Көшербаевтың төрағалығымен ҚР Президенті жанындағы сыбайлас жемқорлыққа қарсы күрес мәселелері жөніндегі комиссияның кезекті отырысы өтті, деп жазады Egemen.kz.
Кездесу барысында ҚР Қаржы министрі Ерұлан Жамаубаев кеден жүйесін дамыту бойынша қабылданған шаралар туралы баяндады.
Осылайша, озық технологияларды қолдану мен саланы цифрландыру сыртқы экономикалық қызметке қатысушылармен өзара әрекеттесуде адами факторды болдырмауға, сонымен қатар кедендік рәсімдерді жеңілдетуге, әкімшілік кедергілерді жоюға және сыбайлас жемқорлық тәуекелдерін барынша азайтуға мүмкіндік берді.
Сондай-ақ, Жамаубаев Мемлекеттік шекарадағы заңсыз сауда айналымына қарсы күрестің кешенді жоспары қабылданғанын еске салды.
Отырыс соңында Комиссия төрағасы, Қазақстан Республикасының Мемлекеттік хатшысы Қырымбек Көшербаев кедендік саланы одан әрі дамыту және мемлекеттік органдар, іскер топтармен өзара әрекеттестікті нығайту бойынша бірқатар тапсырмалар берді.