Қазақстандық балуан Аманғали Бекболатов Азия чемпионатының күміс жүлдесін иеленді, деп хабарлайды Egemen.kz ҰОК-ке сілтеме жасап.
Моңғолия астанасы Ұлан-Баторда күрес түрлерінен өтіп жатқан Азия чемпионатының финалдық кезеңі басталды.
55 келі салмақ дәрежесінде финалда қазақстандық балуан Аманғали Бекболатов жапониялық Ю Шиотанимен белдесті. Екеуара кездесу 13:2 есебімен жапониялық балуанның еншісіне шешілді.
Осылайша Аманғали Бекболатов Азия чемпионатының күміс жүлдегері атанып, аталған құрлықтық біріншілікте ел қоржынына бірінші медальді салды.