Президент Қасым-Жомарт Тоқаев Қарағанды облысының еңбек адамдарына шынайы ризашылығын білдірді, деп хабарлайды Egemen.kz.
«Қарағанды – қайнаған еңбектің ортасы. Терең шахтада жұмыс істеу, жалын атқан пеш қасында тұрып болат қорыту – оңай шаруа емес. Сіздер күрделі еңбек жағдайына қарамастан, өндірісте тер төгіп, елімізді дамытуға зор үлес қосып отырсыздар. Мен баршаңызға табанды еңбектеріңіз үшін шынайы ризашылығымды білдіремін», дей келе Президент жастарды еңбек адамдарынан үлгі алуға шақырды.