Еңбек және халықты әлеуметтік қорғау министрлігіне қарасты Еңбек және әлеуметтік қорғау комитетінің төрағасы Төлеген Оспанқұлов төрт күндік жұмыс аптасына көшу мәселесі қарастырылып жатқанын айтты, деп хабарлайды Egemen.kz.
Оның айтуынша, бүгінгі таңда Қазақстанда ағымдағы норма қолданылады, оған сәйкес елде 40 сағаттық бес күндік немесе алты күндік жұмыс аптасы міндетті болып табылады. Бірақ жұмыс беруші өз қызметкерлерімен келісіп, бұл норманы өзара өзгерте алады.
«4 күндік жұмыс аптасына келетін болсақ, мәселе қарастырылуда. Бір айда төрт апта, бірінші аптада төрт күн, екінші аптада бес, үшінші аптада алты және төртінші аптада тағы төрт күн болуы мүмкін делік. «Есеп кезеңі» деген ұғым бар, сағаттардың жалпы саны осы кезеңнен жоғары болмауы керек. Ал қалған сәттерді жұмыс беруші қызметкермен шеше алады», деді Төлеген Оспанқұлов.
Бұған дейін ведомство әлеуметтік қорғау мәселелері бойынша түзетулер дайындаған болатын, оның шеңберінде 2023 жылдан бастап Қазақстанда 4 күндік жұмыс аптасын белгілеуге болады.
Заң жобасы Қазақстанның Әлеуметтік кодексі қабылданған жағдайда нормативтік құқықтық актілерді сәйкестендіруге бағытталған. Атап айтқанда, Еңбек кодексіне «бірлескен жұмысқа орналастыру» ұғымдық термині енгізіледі.