«Абу Даби тұрақты даму апталығы» саммитінің ашылуында Мемлекет басшысы Қасым-Жомарт Тоқаев ауаға тарайтын парниктік газдардың көлемін азайтуға әсер ететін басты фактордың бірін атады, деп хабарлайды Egemen.kz.
«Ауаға тарайтын парниктік газдардың көлемін азайтуға әсер ететін басты фактордың бірі – атом энергиясын пайдалану. Қазақстан Еуроодақтың жасыл технологиялар санатына енгізген атом энергиясы саласында артықшылыққа ие. Еліміз табиғи уран өндіру бойынша әлемде бірінші орында. Біз ядролық отынның компоненттерін өз елімізде өндіреміз және атом энергиясын қауіпсіз пайдалану ісін одан әрі дамытуға мүмкіндігіміз мол. Біздің пікірімізше, бұл – аймақтық және жаһандық деңгейдегі сауда мен инвестиция үшін келешегі мол сала», деді Президент.