Бокстан 71 келі салмақ дәрежесіндегі әлем чемпионы Асланбек Шымбергенов өз мансабына қатысты пікір білдірді, деп хабарлайды Egemen.kz.
«Баяғыда Мұхаммед Әли өз бапкерінен: «Боксты қай кезде қойғаным дұрыс болады?» деп сұрапты. Сонда көпті көрген кәнігі маман: «Оны саған артыңнан өкшелеп келе жатқан жастардың өзі-ақ ұғындырады», деп жауап қайтарған екен. Мен де солай ойлаймын. Егер жалындап тұрған жастар мықтылығын мойындатса, жол беруге әзірмін. Олай болмаған жағдайда «өліспей беріспеймін». Алдымен Париж Олимпиадасына тыңғылықты даярлану керек. Сол жарыста атой салуды мақсат тұтып отырмын. Ал одан кейінгісін уақытында көре жатармыз», деді әлем чемпионы «Egemen Qazaqstan» газетіне берген сұхбатында.