Теміртау жастарында орталық бар

Бұрын 1965 жылы салынған екі қабатты ғимарат Е.Бөкетов атындағы университеттің колледжі бөлімшесіне тиесілі болатын. Ол бес-алты жыл қаңырап, бос тұрғаннан ке­йін қала әкімдігі былтырдан бері қалпына келтіруге кіріс­кен. 666,8 миллион теңге қара­жат жұмсалып, құрылыс жұмыс­та­рын «Балқаш Жібек жолы» ЖШС атқарып шыққан. Аумағы 2201,78 шаршы метрден тұра­тын нысанның айналасы да асфальтталып, абаттандырылып, сырты сайдингпен қапталып, іші қажетті құрал-жабдықтар­мен және жиһазбен қамтама­сыз етілген. Енді, теміртаулық жастар осында келіп, бос уақы­тын мазмұнды өткізе алады. Олар коворкинг, экология, КВН, тіл үйрену, жас отбасыларды қорғау, медиа сауаттылық, саз студиясы, инклюзивті білім кабинеттерінде өздерінің ой-өрісі мен қабілетін дамытып, ше­берлігін шыңдайды, шығар­ма­­шылықпен айналысады. Олар­ға құрамында педагогтер, пси­холог, заңгер, дәрігер, жаттықтырушы бар 34 адам қызмет көрсетеді. Мұнымен қоса, орталықта жуынатын, киініп-шешінетін бөлмелер мен асхана да бар.

– Жастар орталығы үшін дәл осы жерді таңдағанымыз тегін емес, – дейді Теміртау қа­ласы әкімінің орынбасары Са­мат Зияшев. – Себебі, ма­ңайын­да Қарағанды индуст­риал­дық инс­титуты мен 4 кол­ледж, бірқатар мектеп орналасқан. Сондықтан, студенттер мен оқушылар үшін қолайлы болмақ.

Қарағанды облысы,

Теміртау қаласы