Жаһандық саяси және экономикалық турбуленттілікке қарамастан, Азия-Тынық мұхиты аймағының елдері тікелей шетелдік инвестициялар үшін ең тартымды нүктелердің бірі ретінде өз ұстанымдарын сақтап отыр.
Одан бөлек «Kearney» халықаралық консалтингтік фирмасының деректеріне сәйкес, алдағы 3 жылда осы аймақтың мемлекеттеріне қатысты сауда-экономикалық бастамалар ұлғаяды деп жоспарланып отыр. Азия-Тынық мұхиты аймағы елдерінің геосаяси сипаттамалары біздің елімізге де қатысты, оның сыртқы саяси күн тәртібі соңғы жылдары шетелдік инвесторларды тартуға белсенді бағытталған.
Қасым-Жомарт Тоқаев ҚХР Хайнань қаласында өткен Боао экономикалық форумына қатысу барысында Қазақстанның болашағы мен ұстанымы туралы мәлімет ұсынды. Әсіресе, оның ЭЫДҰ Бас хатшысы Матиас Корманмен кездесуі ерекше қызығушылық тудырды, ол Қазақстанның экономикалық саясатын ұйым стандарттарына келтіруге бейілділігін мәлімдеді. Өздеріңіз білетіндей, ЭЫДҰ жұмысының едәуір бөлігі ақшаны жылыстатуға, сыбайлас жемқорлыққа, парақорлыққа, салық төлеуден жалтаруға – Қазақстан үшін өзекті мәселелерге қарсы тұруға арналған. Тоқаевтың ұйыммен ынтымақтастыққа ашықтық туралы сөзіне сүйене отырып, экономикалық құқық бұзушылықтардың аталған түрлерімен күресудің жаңа тетіктерін енгізуді, сондай-ақ биліктің осы мәселелерге назар аудару деңгейінің жоғарылауын болжауға болады.
Форумда көлік бағыттарын дамытудағы ынтымақтастық қарқынын арттыруға ерекше назар аударылды. Оұған Азия мен Еуропа арасындағы тауарларды жеткізуді қамтамасыз ететін Транскаспий халықаралық көлік бағыты жатады. Оның маңыздылығын сипаттай отырып, Қасым-Жомарт Тоқаев алдағы бірнеше жылда жүк тасымалы көлемі 10 миллион тоннаға ұлғаятынын мәлімдеді. Бұл көрсеткіштер «Солтүстік-Оңтүстік» бағыты бойынша тасымалдауға мүдделі шетелдік инвесторлар үшін өзіндік «жарнама» болуы тиіс.
Әр түрлі геосаяси келіспеушіліктер жағдайында мұндай кооперация біздің елімізге пайдалы ғана емес, сонымен қатар ұлттық экономиканың тұрақтылығын қамтамасыз ету үшін де қажет.
Әмина ҚОСБАЕВА,Еуразиялық интеграция институтының сарапшысы