Шымкент қаласының Еңбекші ауданындағы Қапал батыр көшесіндегі «Ордабасы» индустриялық аймағында өрт шыққан. Ешкім зардап шекпеген. Өрттің шығу себебі анықталып жатыр, деп хабарлайды Egemen.kz.
Өртті сөндіруге Шымкенттің ТЖД бөлімшелері, Апаттар медицинасы орталығының бригадасы, «Ордабасы» ЖШС өртке қарсы қызметінің өкілдері және жергілікті атқарушы органдар жұмылдырылып, өрт толық сөндірілді.
«Шамамен 50 дана ескі жүк көліктерінің доңғалақ және 200 шаршы метр құрғақ шөп жанып кетті», делінген хабарламада.
Елордалық өрт сөндірушілер жанып жатқан көлікті сөндірді
Үйлесімді іс-қимылдың нәтижесінде өрттің одан әрі таралуына жол берілмеді.
Бұған дейін, Алматы қаласындағы 5 қабатты тұрғын үйдің 1-інші қабатындағы пәтерден өрт шығып, қысқа уақыт ішінде жоғарғы қабаттарға тарап, тұрғындардың өміріне қауіп төндіргені туралы хабарлаған едік.