Біздің Ержан – мәслихат депутаты

«Егемен Қа­зақ­стан» газетінің әр облыста мен­шікті тілшісі бар. Олар сол аймақтың тыныс-тірші­лігін басылым бетінде жариялап, тұтас елге хабарлап отырады. Мен­шікті тіл­шілер қосынына қосылғаннан бас­тап өзіндік ойымен, жазу өрнегімен көзге түс­кен әріп­тесіміздің бірі – Ержан Байтілес. Әр­бір мақаласын елдік, мемлекеттік тұрғыдан ойлап жазатын тілшіміз биылғы мәслихат сайлауына түсті. Саяси додада бағы жанып, Қызылорда қалалық мәслихатының депутаты атанды. Құттықтаймыз! Бұл – Ержанның ғана емес, «Егемен Қазақстан» газетінің де жеңісі деп білеміз. Басылымның ел ал­дындағы беделі мен абыройы меншікті тілшіміздің бә­секеде мерейі үстем болуына өз септігін тигізді ғой деген ойдамыз. Бойында жастық жігері бар, әрбір мәселеге жа­нашырлықпен қа­райтын тілшіміз журналистикамен қатар, ел ісіне араласуға бел байлағанын қуана құп­тадық. Олай болса, Ержанның алда атқарар ауқым­ды жұмысына сәттілік тілей­міз! Егеменқазақстандықтар.