АСТАНА. 1 мамыр. Үндістанның солтүстігіндегі Уттаркханд штатында орман өртінен 6 адам ажал құшты. Бұл туралы russian.rt.com-ға сілтеме жасаған egemen.kz тілшісі хабарлады.
Мәліметтер бойынша, тілсіз жау 2 мың гектарға жуық аймақты жалмаған. Осыған байланысты 6 мың өрт сөндіруші жұмылдырылды.
«Қазіргі кезде өртке байланысты 922 оқиға тіркелді. Салдарынан 6 адам қаза тапты. Олардың арасында үш әйел және бір бала бар. Сонымен қатар, жеті тұрғынның жараланғаны белгілі болды», – делінген хабарламада.
Аян Әбдуәли.
Дерек: russian.rt.com.
Фото: 24.kz.