«Сабантойда» сайран салып...

Таяуда «Жастар» сарайы­ның жазғы алаңында ел Тәуел­сіздігінің 25 жылдығын тойлау шеңберінде Астана қала­сы­ның «Таң» татар-башқұрт мәдени орталығы» қоғамдық бірлестігінің ұйымдастыруымен «Сабантой» дәстүрлі халық мерекесі атап өтілді. Биылғы мереке республикалық көлемде той­ланады, сол себепті, оған бар­ша өңірлік этномәдени бірлес­тіктер атсалысты. Іс-шараны ұйымдастыруға Қазақстан халқы Ассамблеясы, Астана қаласының әкімдігі, Татарстан Рес­пуб­ликасының Қазақстандағы Өкілетті өкілдігі, Ресей Федерациясының елшілігі, «Кама-Қазақстан» Сауда үйі» ЖШС, «КамАЗ» Сауда компа­ния­сы» ЖШС қолдау көрсетті. Бұл мерекенің ерекшелігі сол, онда кез келген адам өзінің туған жеріне деген шексіз сүйіс­пен­шілігін білдіре алады. Өз кезегінде сөз алған «Таң» татар-баш­құрт этномәдени бірлестігінің өкілі Рафик Валиев: «Бұл айтулы мейрамға барлық облыстардың өкілдері, әртістер, тіпті, Қазан қа­ла­­сынан да арнайы қонақтар кел­ді. Бүгін ерекше күн, үлкен той. Ән айтылып, би билеп жатқан өнер­паздарды көріп, рухани дем­алып қаласың. «Сабантойдың» ерек­шелігі де осында», – дейді ақжар­ма тілегін көпшілікпен бөлісі­п. Шараға Парламент депутаттары, ҚХА мүшелері, Қазақ­станның және Татарстан Респуб­ликасының белгілі қоғам, мәде­ниет және спорт қайрат­кер­лері, елордалық және аймақ­тық этномәдени бірлестіктер өкіл­дері, елорда тұрғындары мен қонақ­­тары қатысты. Мерекеге келгендер түрлі жарыс­­­тарға, ұлттық ойын­дарға қаты­­сып, татар-башқұрт халық­тары­­ның ұлттық дәмдерінен ауыз тиді. Сондай-ақ, татарлардың «көрәш» ұлттық күресі тамашаланды. Раушан СҮЛЕЙМЕНОВА