Басшылық құрамға – сертификаттар

Қорғаныс министрлігінде қорғаныс ведомствосының басшысы Иманғали Тасмағамбетов Қорғаныс министрлігінің бас­шылық құрамына Қазақ­стан­ның Тұңғыш Президенті атын­дағы Ұлттық қорғаныс универ­ситетінің базасында өткен курс бағдарламасын аяқтағаны туралы куәлікті табыс етті. Ұлттық қорғаныс университеті бас штабы факультетінің «Әскери және мемлекеттік басқару» мамандығы бойынша магистратураға арналған оқу бағдарламасының негізіне сүйенген әскери өнер курсы қыркүйек пен маусым айлары аралығында өтті. Бағдарлама тек стратегиялық және жедел-стратегиялық басқару тобының басшылық құрамына арналған. Курс барысында жауынгерлік құрам, Қарулы Күштердің құрылымы, Қазақ­стан Республикасының және шет мемлекеттердің әскери доктринасы туралы жалпылама таныстырулар толығымен қамтылды. «Құрметті генерал және офицер мырзалар, бүгін ерекше жағдайда жиналып отырмыз. Біздің ведомствоның тарихында тұңғыш рет Қорғаныс министрлігінің басқарушы құрамына бас штаб факультетінің курстық бағ­дар­ламасын бітіргені туралы куәлік тапсырудамыз. Олар жыл бойы әскери істің қыр-сырын меңгеріп, оның ерек­­шелігі мен негізгі бағыттарын үй­рен­ді. Бұл орайда, құжатты тапсыр­мас бұрын барша тыңдаушылар аты­нан оқытушыларға үлкен алғыс біл­ді­ре­мін. Әр дәрістің тақырыбы маз­мұны жағынан және кәсіби тұрғы­дан өзекті болды. Тәжірибе жүзін­де біз осындай оқыту пішімін алғаш рет қолданып отырмыз. Оның нәтижесінің тиімділігін түрлі бағыттан аңғаруға болады»,– деді Қорғаныс министрі Иманғали Тасмағамбетов. Курсты тәмамдағаны жөнінде куә­лікті Қорғаныс министрінің қолы­нан Қорғаныс министрінің бірінші орынбасары – Қазақстан Республи­касы Қарулы Күштері Бас штабының бастығы, генерал-полковник Сәкен Жасұзақов, Қорғаныс министрінің орынбасарлары генерал-лейтенант Оқас Сапаров, генерал-майор Талғат Мұхтаров, Нұрлан Сауранбаев, Берік Шолпанқұлов, Білім және ғылым департаментінің бастығы Айгүл Төлем­баева алды. Аталған курстарда заманауи әске­ри жанжалдардың мазмұны мен мәні, олардың стратегиялық негізі мен стратегиялық іс-қимыл пішіні оқы­­тылды (Қарулы Күштерде қол­данылуы). Сонымен қатар, Ирак, Ауған­­стан, Украина, Сириядағы әскери қақты­ғыстардың тәжірибесі негізінде соғысты жүргізудің жаңа тәсілдері, әскери саладағы заңнама зерделенді. Ендігі кезекте осындай курстар Бас штаб бастығының орынбасарлары, бас қолбасшылар, қолбасшылар, департамент және басқарма бастықтары үшін өткізілетін болады. «Егемен-ақпарат»