Ынтымақтастық мәселесі талқыланды

Астанада Премьер-Министр Кәрім Мәсімовтің қаты­суымен Еуропа Қайта құру және даму банкі Дирек­тор­лар кеңесінің отырысы өтті, деп хабарлады Премьер-Ми­нистрдің баспасөз қызметі. Отырыс барысында Қазақ­стандағы ағымдағы экономикалық  жағдай, Үкіметтің экономикалық өсімді ынталандыру бойынша қолданып жатқан шаралары, сон­дай-ақ Қазақстанның ЕҚДБ-мен ынтымақтастық мәселесі талқы­ланды. Бірқатар министрліктердің басшылары энергетика, көлік және ауыл шаруашылығы сала­сындағы инвестициялық мүмкін­діктер туралы баяндама­лар ұсын­ды. Сон­дай-ақ, жекеше­ленді­ру бағдар­ла­маларын жүзеге асыру барысы және «Астана» халық­аралық қар­жы орталығы қызме­тінің перспекти­валары таныстырылды. Өз кезегінде, ЕҚДБ Дирек­тор­лар кеңесінің мүшелері Қазақ­станда іске асырылып жатқан эконо­микалық реформаларға оң баға беріп, жемісті ынты­мақ­тас­тықты жалғастыруға сенімді­лік­терін білдірді. «Біз реформа жүргізуде сіз­дер­ді белсенді қолдаймыз», деді Фран­цияның атынан келген ЕҚДБ Директорлар кеңесінің мүшесі Рафаэль Белло. Іс-шара соңында К.Мәсімов Қа­­зақ­стан мен Еуропа банкі ын­ты­­мақ­тастығының және елдің алдын­да тұрған сын-қатер­лер жағ­дайын­да дамудың маңызды­лығын атап өтті. «Өткен жылы біз заңнамаға баса назар аудардық және қазір реформаларды жүзеге асыру бойын­ша практикалық қадамдар қолда­нудамыз. Бұл оңай емес, алайда, біздің дұрыс жолда екенімізге сенімдімін», деп түйіндеді сөзін Пре­мьер-Министр.