[caption id="attachment_52817" align="aligncenter" width="699"]
Фото: unian.net[/caption]
Қазіргі таңда әлемдегі 100 мемлекетте атышулы лаңкестік ұйымдармен байланыста жүрген 30 мың содыр бар. Бұл туралы АҚШ-тың Нью-Йорк қаласында өткен баспасөз конференциясында Біріккен Ұлттар Ұйымы лаңкестікке қарсы комитетінің өкілі Жан Поль Лаборде мәлімдеді.
«Бүгінде 30 мыңға жуық содыр жаһандық қатерге айналып отыр. Экстремистерге қарсы күш біріктіру қажет. Себебі, кейбір елдер оларға толықтай қарсы тұра алмауда», – деді аталған комитеттің өкілі.
unian.net ақпарына сәйкес, Жан Поль ДАИШ лаңкестік ұйымы бүкіл әлемге қиындық тудырып тұрғандығын алға тартты. Олар мұсылмандар үшін қасиетті саналатын Рамазан айының өзінде 16 мемлекетте барлығы 393 рет шабуыл жасаған екен. Мәліметтер бойынша басым бөлігі Сирия мен Ирак елдерінде болған.
Айта кетейік, 22 шілде күні Германияның Мюнхен қаласында атыс болып, 10-нан астам адам қаза тауып, 20 тұрғын түрлі деңгейде жарақат алған. Дәрігерлер үшеуінің жағдайы тым ауыр екенін, жансақтау бөлімінде жатқанын айтты. Сол сияқты, 13 адам жеңіл жараланған. Олардың арасында балалар да бар. Ал кеше, 23 шілдеде Ауғанстанның Кабул қаласында лаңкестердің шабуылынан 80 адам қаза тапты. Оқыс оқиғадан тағы 231 тұрғын зардап шеккен.
Сонымен қатар, Латын Америкасында өздерін «Ансар аль-Халифат Бразилия» деп атаған алғашқы радикалды ұйымның шыққаны туралы хабарлағанбыз.
Аян ӘБДУӘЛИ
Фото: unian.net[/caption]
Қазіргі таңда әлемдегі 100 мемлекетте атышулы лаңкестік ұйымдармен байланыста жүрген 30 мың содыр бар. Бұл туралы АҚШ-тың Нью-Йорк қаласында өткен баспасөз конференциясында Біріккен Ұлттар Ұйымы лаңкестікке қарсы комитетінің өкілі Жан Поль Лаборде мәлімдеді.
«Бүгінде 30 мыңға жуық содыр жаһандық қатерге айналып отыр. Экстремистерге қарсы күш біріктіру қажет. Себебі, кейбір елдер оларға толықтай қарсы тұра алмауда», – деді аталған комитеттің өкілі.
unian.net ақпарына сәйкес, Жан Поль ДАИШ лаңкестік ұйымы бүкіл әлемге қиындық тудырып тұрғандығын алға тартты. Олар мұсылмандар үшін қасиетті саналатын Рамазан айының өзінде 16 мемлекетте барлығы 393 рет шабуыл жасаған екен. Мәліметтер бойынша басым бөлігі Сирия мен Ирак елдерінде болған.
Айта кетейік, 22 шілде күні Германияның Мюнхен қаласында атыс болып, 10-нан астам адам қаза тауып, 20 тұрғын түрлі деңгейде жарақат алған. Дәрігерлер үшеуінің жағдайы тым ауыр екенін, жансақтау бөлімінде жатқанын айтты. Сол сияқты, 13 адам жеңіл жараланған. Олардың арасында балалар да бар. Ал кеше, 23 шілдеде Ауғанстанның Кабул қаласында лаңкестердің шабуылынан 80 адам қаза тапты. Оқыс оқиғадан тағы 231 тұрғын зардап шеккен.
Сонымен қатар, Латын Америкасында өздерін «Ансар аль-Халифат Бразилия» деп атаған алғашқы радикалды ұйымның шыққаны туралы хабарлағанбыз.
Аян ӘБДУӘЛИ
