Бүгін еліміздің басым бөлігінде жаңбыр жауады

[caption id="attachment_52892" align="aligncenter" width="700"] affiche.ru[/caption] inform.kz таратқан мәліметке сүйенсек, еліміздің басым бөлігінде атмосфералық ағындардың өтуімен найзағай ойнап, жел ұйытқып, жауын-шашынды ауа райы сақталады. Кейбір өңірлерде тұман түсіп, бұршақ жаууы ықтимал. Ақмола, Маңғыстау облыстарында найзағай ойнайды. Атырау, Батыс Қазақстан облыстарында найзағай соғып, желдің күші 15-20 м/с болады. Қостанай облысының кей жерлерінде найзағай ойнап, түнде және таңертең тұман түседі. Ал Солтүстік Қазақстан мен Павлодар облыстарында бұршақ жаууы ықтимал, желдің күші 15-20 м/с жетеді. Қарағанды мен Шығыс Қазақстан облыстарының кей жерлерде найзағай ойнап, түнде және таңертең тұман түседі. Алматы, Жамбыл, Оңтүстік Қазақстан мен Қарағанды облыстарында аптап ыстық сақталады. Айта кетейік, Қызылорда, Оңтүстік Қазақстан облыстарында, Жамбыл, Қарағанды, Ақтөбе облыстарының кей жерлерінде төтенше өрт қаупі бар. Талғат РАЙЫМБЕК.