Жайықта да тойланды

Татардың ұлттық мейрамы Сабантой Азия мен Еуропаның ортасы Жайықта тойланды. Тыныштық пен бейбітшілік символы ақ орамал Сабантой байрағын ақсақал Закир Хузасаит алып шықты. Батыс Қазақстан облысы татар мәдениет орталығының төрайымы – іскер әйел Флюра Миликеева өз сөзінде ғасырдан-ғасырға жалғасқан дәстүрлі Сабантой ел Тәуелсіздігінің 25 жылдығына арнайы өткізіліп отырғанын, татардың салт-дәстүрі мен ұлттық ойындарына қош келдің айтып келген қонақтарды гармонмен қақпа алдынан қарсы алды. Батыс Қазақстан облысы әкімінің орынбасары Марат Тоқжанов тамыры бір, діні бір татар бауырлардың ұлттық мерекесін татулық пен достықтың нағыз жақындастыратын, Елбасының салиқалы саясатының арқасында елімізде сан-алуан этностың тату әрі тыныш өмір сүруіне көп мүмкіншілік алғанын атап өтті. Татарстанның Қазақстандағы өкілі Рустем Валиуллов көпші­лікке Татарстан президенті Рус­там Миннихановтың арнайы құттықтауын жеткізді. Мереке тек балаларға емес, үлкендер үшін де тартымды, қызықты өтті. Арқан тартыс, кір тасын көтеру, татарша күрес, қапшық киіп жарысу, қасықпен жұмыртқа алып жүгіру сияқты ойындар өз жалғасын тапты.  Рафхат ХАЛЕЛОВ  ОРАЛ Суретті түсірген автор