Қаржыны қалтаға басқан

Былтыр және үстіміздегі жылдың өткен мерзімінде Тими­рязев аудандық ауыл шаруа­шылығы және ветеринария бөліміне 409 миллион теңге демеу­қаржы бөлінген болатын. Өкініштісі сол, бірқатар жылпостар қомақты қаражатты жанар-жағармай, минералдық тыңайт­қыштар, тұқым, гербицидтер сатып алу, асыл тұқымды мал шаруашылығын дамыту мақсатына бағыттаудың орнына заңсыз жолмен жұмсап келген. Аудандық прокуратура демеуқаржы бойын­ша тексеру жүргізіп, «Герань» фермерлік шаруашылығының жетекшісі А.Первышиннің алаяқ­тығын әшкереледі. Ол екі жылда 1 миллион 720 мың теңге қаржы ала тұра 25 ірі қара малын кем жаздыртқан. Сөйтіп, 450 мың тең­гені қалтасына басқан. Пысықай кәсіпкердің 2014 жылы да осындай қадамға барғаны белгілі болды. Өйткені, жергілікті ветеринарлық станса мекемесінің жұмысын тексеру барысында демеуқаржы көмегімен сатып алынды деген ондаған бас ірі қара жоқ болып шыққан. Гүлмайра КЕНЖЕБОЛАТОВА, облыстық прокуратураның бас маманы Солтүстік Қазақстан облысы