Елі Елбасына сенеді

Халық Елбасының жыл сайынғы Жолдауын асыға күтеді. Себебі, осы Жолдау республика тұрғындарына саяси, экономикалық, әлеуметтік тұр­ғы­дан жігер берері хақ. Жыл сайынғы Жолдаулардағы тап­сыр­малардың іске асып жат­қанын да көзімізбен көріп, жемісін татып жатырмыз. Биылғы «Болашақтың іргесін бірге қа­лаймыз» атты Жолдаудағы ме­желенген бағыт­тар да әдеттегі­дей салмақты әрі көңілге қонымды. Бұл Жолдауда қамтылған мәселелер халықтың әлеуметтік жағдайын жақсартуға, елдігімізді нығайтуға, экономикамызды да­мытуға, Тәуелсіздігіміздің 20 жыл­дығын табысты қарсы алуға, со­ны­мен қатар, ардагерлердің әл-ауқа­тын жақсарта түсуге нақты ша­раларды айқындап беруімен құн­ды десем, артық айтқандық болмас. Жолдаудағы ауыл шаруа­шы­лы­ғын дамыту, сыбайлас жем­қорлыққа қарсы күресті күшейту әр басшыға, әр Қазақстанның тұрғынына заң шеңберінде қадам жасауға жол ашатыны анық. Біздің болашақ ұрпағымыз зайырлы мемлекетте тұрған­дық­тан, өз құқығын білетін азамат болып қалыптасуы керек. Соны­мен қатар, халықтың әлеуметтік жағ­дайын көтеру үшін эконо­миканы бірінші кезекте жан-жақ­ты дамытсақ, ол халықтың ертең­гі киімі, тамағы деген ұғымды білдіреді. Білімді ұрпақты тәрбиелеу – ол мемлекеттің бірінші табысы. Экономикамыз, мәдениетіміз бен ішкі және сыртқы саясатымыз арқылы 50 мемлекеттің қатарына кіріп, орын алуымыз Елбасы еңбегінің нәтижесі. Халықты демеуші әрі таны­ту­шы өнер екендігі белгілі. Әр ұлт өзінің тілі, әдебиеті, өнері, салт-дәстүрі арқылы ерекшеленеді. Ал өзім өнер адамы болған­дықтан, Жолдаудағы осы салаға жаңашылдықпен мән берілуі ерекше қуанышқа бөледі. Жолдауды тыңдай отырып, Елбасының бойындағы түрлі қа­сиеттерге, өз халқына деген шексіз сүйіспеншілігіне тәнті бол­дым. Тәуелсіз мемлекеті­міз­дің атын асқақтатып, өскелең ұрпаққа, болашаққа сеніммен қарауға жағдай туғызып отыр­ған өзіңіздей Елбасына аудан­ның соғыс және еңбек ардагерлері атынан мың да бір алғы­сымды білдіремін. Нұрсұлтан Назарбаев бейбітшілікті, ынтымақ пен бірлікті ту етіп ұстап, халқының ел-жұртын мұратына жеткізіп отыр­ған Ұлт Көшбасшысы, әлем­дік деңгейдегі мемлекет қайрат­кері. Алматы облысы Іле ауда­ны­ның халқы Елбасын бір үйдің баласындай қолдайды. Өйткені, Елбасы бастаған Қазақ елінің нығая беретініне сенеді. Төрткен КЕНЕНҚЫЗЫ, Іле ауданының құрметті азаматы. Алматы облысы.