Тоқтағали қоры толыға түсті

Жуырда Қазақстан Рес­пуб­ликасы Президентінің­ Архивіне мемлекет және қоғам қайраткері Тоқ­тағали Жангелдиннің отбасында сақталған қосымша құжат­т­ар қабылданып алынды. Ерлен Тоқтағалиұлы әке­сінің өздерінде сақталған құжаттарын бауырларының рұқсатымен  өткізуге шешім қабылдаған. Қарашаның 25-інде Тоқтағали Жангелдиннің 100 жылдық мерейтойы аталып өтпек­ші. Мерейлі сәтті атап өту жұмысын Қазақстан Рес­пуб­ликасы Президентінің Ар­хиві жыл басынан бері бел­сен­ді жүргізіп келе­ді. Жеке қор иесінің өмір­баян­дық де­рек­теріне сүйе­не отырып, оның қызмет еткен жер­лерін­дегі құжат­тарын іздеп тауып, жеке қор құра­мына қосу үшін  Шым­кент өңірлік мемле­кеттік архивінен Т.Жан­­гел­­дин­нің өз қолымен тол­тыр­ған жеке іс парағы, оған беріл­ген қызметтік мінез­­деме, түрлі жиындар мен мә­жілістер­де сөйлеген сөздері мәтін­дерінің көшір­месі алынды. Жеке қордың құжат­тарын өткізу-қабылдау рәсімі Қа­зақ­стан Республикасы Пре­зи­­дентінің Архивінің дирек­то­ры, техника ғылым­дары­ның докторы, профессор Б.Жа­паров­тың, аталмыш ме­ке­ме ұжы­мының қаты­суы­мен салтанатты жағ­дайда өткізілді. Кездесу барысында Ар­хив директоры Б.Жапаров қор иесінің өмірі мен қоғам­дық-саяси қызметіне тоқ­талып, жеке қордың құра­мын­дағы құжаттардың маз­мұны жөнін­де қысқаша әң­гі­мелеп берді. Содан соң, сөз кезегін алған Ерлен Тоқ­та­ғалиұлы ата-анасы, бауыр­лары жайында әңгіме қозғап, тапсырылып отырған құжаттарға қысқаша шолу жасады. Құжаттардың ішінде өмірі мен қызметіне қатысты ақ­параттар, куәліктер, хат алмасулар, Белоруссияның мемлекеттік архивтерінен алынған қазақстандық партизандар туралы архивтік анықтамалар, С.Сейфуллин туралы жазылған еңбегіне пай­даланған құжат­тары, сонымен қатар, диссер­та­циялық жұмыстары, ғылыми мақа­лалары, партизан қоз­ғалы­сы тура­лы жазған кіта­бы­­ның баспаханалық гранкасы және т. б. деректер, фото­суреттер бар. Рауан ҚАЙДАР, «Егемен Қазақстан»