Универсиадаға әзірлік қарқынды жүруде

Қазіргі кезде Алматыда 28-ші Бүкіләлемдік қысқы Универсиада ойындарына  жан-жақты дайындық жұмыстары жүргізіліп жатыр. Бұл жарыс келесі жылы елімізде ғана емес, ТМД кеңістігінде алғаш рет өткізіледі. Спорттың 12 түрінен 2000-нан астам спортшы қаты­сады. Универсиада дирек­циясының басшысы Наиль Нуровтың айтуынша, жарысқа қатысу үшін ресми түрде 58 ел тіркелді. – 2011 жылы Түркияның Эрзу­рум қаласында өткен сынға осын­шама елдің спортшылары қатыс­қан болатын. Сондықтан келесі жылы Алматыда жалауын көтере­тін жарысқа 58 мемлекеттің өкіл­дері келсе, біздің қаламыз Уни­верс­иада тарихында ең көп елдер қатыс­қан мемлекеттердің бірі болады, – дейді ол. Универсиадада жарыстар 8 спорт сарайында өтеді. Сонымен бірге, Универ­сиа­даға 127 халық­аралық төреші мен 600-ге жуық ұлттық теникалық маман қаты­сатынын, ал жарыс кезінде Ойын­дарды бас­қа­ру орталығы жұмыс істейтінін айтты. Алматы қала­сының ІІД-мен бірігіп, Универ­сиада көлі­гінің негізгі және баламалы қоз­ғалысы бекітілді. Барлық авто­көліктер GPS навигаторымен қамтылады. Автокөлік қозға­лы­сын қадағалайтын арнайы диспет­черлік орталық жұмыс істейді. Медициналық көмек көрсету үшін Алматының 8 стационары мен 30 жедел көмек көрсету бригадасы қызмет етеді. Атлеттер қала­­шығында медициналық орта­лық болады. Сондай-ақ, онда до­пинг­тік-бақылау стансалары ұйымдастырылады. Қыркүйек айында ЖОО-ның студенттері арасынан еріктілерді іріктеу жоспарланған. Іріктеу аяқталған соң, қазан айынан 2017 жылдың қаңтарына дейін, еріктілерге арналған оқыту семинарлары мен тренингтері өтеді. Қазір еріктілерге байланыс­ты жұмыс қызу жүріп жатыр. Мыса­лы, жоғары оқу орындары, ішкі істер және төтенше жағдай депар­таменті мен медицина қызмет­керлеріне тегін ағылшын тілінің курсы ұйымдастырылған. Бүгінде 600 адам оқытылды. Универсиада ба­стал­ғанша 2 мың қызметкерге ағыл­шын тілін үй­рету жоспарланған. Қысқы Универсиаданың эстафетасы 25 қаңтарда басталып, Астана қаласындағы Назарбаев Университетте алауы жағы­лады. Алау эстафетасы еліміз­дің барлық өңір­­лерінде өткі­зіледі. Содан кейін ол Алматыға жет­кізіледі. Жос­­пар­ға сәйкес, 16 алау бір жерде то­ғы­сып, үлкен бір алауға айналады. Универсиада дирекциясының басшысының айтуынша, жарыс­тар 80 елге тарайды. Оларды күн сайын 1 млрд. адам тамашалай алады. Жарысқа арналған барлық спорт орда­лары­ның есігі халыққа айқара ашық болады. Қазір қала қонақ­тары мен тұрғындары үшін Универ­­сиа­да спорт алаңдарының қол­жетім­ділігі туралы бағдарлама жасалған. – Универсиада – ел тари­хы­ның 25 жылындағы ең ірі мульти­спорттық жарыс. Ойын­дардың арқа­сында, Алматы қаласы жаңа нысандармен толы­ғып жатыр. Көп салалы мұз кешен­дері, олим­пиадалық қыс­қы спорт түрлерін дамытатын, танытатын алаңға айналады,– дейді Наиль Нуров. Дастан КЕНЖАЛИН, «Егемен Қазақстан»