Алғашқы отырыс

Қазақстан Республикасы Ақпарат және коммуникациялар министрлігінің Қоғамдық кеңесі саланы дамытудың өзекті мәселелерін талқылады, деп хабарлады Ақпарат және коммуникациялар министрлігінің баспасөз қызметі. Кеше Қазақстан Респуб­ли­ка­сының Ақпарат және коммуникациялар министрлігінде министр Дәурен Абаевтың төрағалығымен Ақпарат, ақпараттық коммуникациялық технологиялар және мемлекеттік қызмет көрсету салаларын дамыту мәселелері жөніндегі Қоғамдық кеңестің алғашқы отырысы өтті. Бекітілген күн тәртібіне сәйкес, дауыс беру нәтижесінде Кеңес­тің төрағалығына Парламент Мәжі­лісінің депутаты Қуаныш Сұлтанов, хатшы болып Ақпарат және коммуникациялар министрлігінің Стратегиялық жоспарлау департаменті директорының орынбасары Архат Сәдуақасов сайланды. Сонымен қатар, отырыста Қоғамдық кеңес туралы ереже, «Цифр­лы Қазақстан» мемлекеттік бағдар­ламасы, министрліктің страте­гиялық жоспары мен 2016-2018 жыл­дарға арналған бюджеттік бағдар­ламалары, нормативтік-құқық­тық актілердің жобалары талқы­ланып, мақұлданды. Кездесудің соңында келесі оты­рыстың күн тәртібі бекітіліп, бұдан кейінгі кеңестерді БАҚ-тың қаты­суымен «Қазмедиа орталығы» базасында өткізу жөнінде шешім қа­былданды.