АҚШ өкілімен кездесті

Кеше «Ақорда» резиденциясында Президенттің көмекшісі – Қазақстан Республикасы Қауіпсіздік Кеңесінің Хатшысы Нұрлан Ермекбаев АҚШ Мемлекеттік хатшысының азаматтық қауіпсіздік, демократия және адам құқы мәселелері жөніндегі орынбасары Сара Сьюэллмен кездесу өткізді. Тараптар екіжақты ынтымақ­тас­тықтың мәселелерін, сондай-ақ, өңірлік қауіпсіздікті қамта­масыз ету саласындағы халық­аралық саясаттың көкейкесті тақы­рыптарын талқылады. Терроризм мен экстремизмге қарсы іс-қимыл танытудың көп­қыр­лы тетіктерін жетілдіру мәсе­лелері бойынша пікір алмасылды, соның ішінде Қазақстан Президенті Н.Назарбаев БҰҰ Бас Ассамблеясының 70-ші сес­сиясында ілгерілеткен халық­аралық терроризммен күрес жөніндегі жаһандық антитер­рористік желі (коалиция) құру, террористік ұйымдардың бір­тұтас тізімін жасау бастамалары талқыланды. «Егемен-ақпарат»