Қолсөмкедегі қарасора

Еліміздің шекарашылары өткен тәулік ішінде ғана жалпы салмағы жарты кило­грамдай болатын есірткі заттарын жасырын өткізуге әрекеттенгендерді ұстады. Нақтырақ айтқан­да, Қазақстан-Қырғыз­стан шека­­р­а­­сы­ның бойында ор­на­­лас­қан «Қор­дай-авто» бақы­лау-өткізу бекетінің шекара­шы­­лары қызметтік ит­тің көмегі­мен Ресей Феде­ра­циясының 30 жастағы азаматын ұстады. Ол азамат «ВАЗ-2115» автокөлігімен Қазақстаннан Қырғызстанға бара жатыр екен. Ал салмағы 15 грамм тартқан қарасора тұқымы автокөліктің жүксалғы­шын­дағы қолсөмкесінен табылды. Дәл осы күні Қарасай шекара отря­дына қарасты «Саты» заставасының шека­ра­шы­лары да Райымбек аудандық ішкі іс­тер бөлімінің қызметкерлерімен бірлесе оты­рып, 39 жастағы тағы бір азаматты ұстады. Ол салмағы 500 грамм болатын «гашишті» дайындап жатқан жерінен қолға түскен екен. Бұл туралы ҰҚК ШҚ баспасөз қызметі хабарлады.