Ақтаудағы алғашқы әскери айлақ

Ақтау халықаралық теңіз сауда портының аумағындағы алғаш­қы әскери айлақтың құрылысы аяқталып келеді. Нысан биылғы жылдың қазан айында ресми түрде тапсырылады деп күтілуде.  Айлақтың құрылысы ақпан айында басталған болатын. Қазіргі кезде гидротехникалық құрылыстағы жұмыс қызу жүріп жатыр. Бұл Қазақстан Республикасы Қарулы Күштері Әскери-теңіз күштерінің тарихында әскери мақсаттағы тұңғыш айлақ болайын деп тұр. Қазіргі сәтте қазақстандық әскери кемелер әскери-теңіз базасынан 140 шақы­рым қашықтықтағы Баутино кен­тін­дегі жалға алынған пирста орна­лас­қан. Бұл Ақтау қаласында тұратын әскери қызметшілерге белгілі бір қолайсыздық туғызуда. Осылайша, жекеменшік теңіз пирсының бой көтеруі Әскери-теңіз күштері үшін маңызды оқиға болып табылады. Айлақтың құрылысымен Ақтау шаһары портының аумағын­дағы 1,2 га жер телімінде «Әскери құры­лыс» акционерлік қоғамы айналысуда. «Ақтау қаласының портында алғашқы Әскери-теңіз күш­тері кемелерінің орналасу пункті­нің салынуы Әскери-теңіз күш­теріне Каспий теңізінің қазақ­стан­дық секторындағы ықтимал қауіп-қатерлерге тиімді және уақтылы ден қоюға, Каспий теңізінің кез келген ауданына кемелердің шығуын жедел жүзе­ге асыруға және материалдық-тех­ни­ка­лық қамтамасыз етудің бар­лық түр­лерімен қамтамасыз ету мен тасып жеткізуді дер кезін­де ұйым­дастыруға, техника мен қару-жарақ­тың мотоқорын үнемдеуге мүм­кіндік беріп,  жанар-жағармай мате­риалдарына жұмсалатын шығын­ды айтарлықтай қысқарта­ды», – деді өзінің сөзінде Қазақ­стан Рес­пуб­ликасы Қарулы Күштері Әскери-теңіз күштерінің қолбас­шысы вице-адмирал Жандарбек Жанзақов.  «Егемен-ақпарат»