Түркия Сириядағы бірінші шығынын тартып жатыр

Сирия жеріне басып кірген түрік танкілеріне күрдтердің халықтық өзін өзі қорғау жасақтарының бақылауында ауданнан оқ атылды. Бұл туралы түрік әскерилері ортасындағы өз мәнбелеріне сүйенген «Рейтер» агенттігі хабарлады. Бұдан бұрын француздың «Франс Пресс» агенттігі Сирияның Джараблус қаласында түріктің екі танкіне зеңбіректен оқ атылғанын хабарлаған еді. Ал «Рейтердің» мәліметінше, атысқа ұшыраған бір ғана танк болған. Нәтижесінде бір жауынгер қаза тауып, тағы үш солдат жарақат алған. Түркия осы аптаның басында Сирияның солтүстігіндегі Джараблус қаласы ауданында «Ислам мемлекетіне» қарсы «Ефрат қалқаны» операциясын бастап кеткен еді. Мұны Сирия билігі Анкараның егемен елдің құқығын бұзуы деп бағалады. Мұрат АЙТҚОЖА