АҚШ: 104 жолаушысы бар ұшақ әуеде бөлшектеніп кетті

АҚШ-та бір ұшақтың двигателі тура әуеде ұшып келе жатқанында жарылып кетті. Лайнер Жаңа Орлеаннан Орландаға бағыт алып келе жатқан. Бір кезде әуе кемесінде әлдененің тарс еткен өте қатты дыбысы естілген. Сосын жолаушылардың көз алдында оның бөлшектері біртіндеп бөлініп түсе бастаған. Осы кезде ұшақ бортында 104 жолаушы отырған. Көргендердің айтуларынша, содан кейін оттегі маскалары «ауада ұша» бастаған. Мұны байқаған капитан ұшақты дереу жақын маңдағы аэропорттардың біріне қондыруға шешім қабылдаған. Нәтижесінде бәрі сәтті аяқталған: лайнер Пенсакола қалашығына аялдаған. Ол дер кезінде қонғандықтан, борттағы жолаушылардың ешқайсысы зардап шекпеген. Бұл туралы «Россия 24» хабарлады. Мұрат АЙТҚОЖА