«Боко харам» тобының лидері өлімші болып жараланды

Африкадағы «Боко харам» террорлық тобырының лидері Абубакар Шекау өлімші болып жараланды. Бұл ақпарды Нигерия президенті Мухаммад Бухари растап берді. Оның айтуынша, Шекау Нигерия әуе-қорғаныс күштерінің соққысы барысында ауыр жарақат алып қалған. Авиасоққы өткен жұма күні Шекау Нигерияның солтүстік-шығысындағы Борно штатының Тайе деревнясында қарауындағы командирлермен бірге діни салттар жасауға дайындалып жатқан кезде берілген. РИА «Новости» хабарлағандай, соққы кезінде үш дала командирінің көздері жойылып, қарақшылардың басшысы өлімші болып жарақат алып қалған. «Боко харам» - радикалды ислам тобыры. Оның содырлары негізінен Нигерияның солтүстігі мен солтүстік-шығысында әрекет етеді. Бірақ шабуылды Нигер, Камерун және Чад секілді көрші елдерге жасайды. Ол бүкіл елге шариғат заңын енгізу жолында күреседі. Мұрат АЙТҚОЖА