Құлан мен қарақұйрық қаптап өріп...

Биыл Жетісу көктемі жабайы аңдар үшін соңғы 30-40 жылда болмаған өз­геріс әкелді. Соның бір дәлелі ретінде Іле өзені жа­ға­лауынан басталып, сан ғасыр тарихын сақ­­тап жатқан тауларда ор­на­ласқан «Алтынемел» мем­ле­кеттік ұлттық табиғат ба­ғында аңдар, әсіресе, қара­­құйрықтар еселеп өсті. «Негізі, түз тағылары көбейерде, я болмаса күрт азаярда егіздете төлдейтіні сан мәрте дәлелденген. Ұлт­тық бағымыздағы қара­құйрық саны былтырғы жылы 4327 бас еді. Би­ыл­ғы көктем өте жайлы бо­­лып, барлығы 4543-ке жет­ті. Жалпы санының сақ­талуымен қатар, өсуінің бірінші себебі аналықтары егізден төлдеді. Бүгінде еш алаңсыз өсуде. Екіншіден, биотехникалық шаралар талапқа сай жасалып, Ұлттық бақ аумағына тұз қою, шөл даладағы тақыр­ларға науа орнатып су құюды да ретімен жақсы қалыптастырдық. Тағы бір айта кетер жайт – құландар мен қарақұйрықтар көп­тігінен сыймай жатыр деуге болады. Сондықтан құландарды өзге қонысқа жерсіндіру әрекеті жасалуда», деді «Ал­­тынемел» мемлекеттік ұлттық табиғат бағының бас директоры Халық Баяділов. Қалай десек те құлан­дар тақ тұяқты, ал қа­ра­құйрықтар аша тұяқты жан­уарларға жатады. Суаты бір, жайылымы ортақ бол­ғандықтан аң аңдығын іс­тейтіні табиғи заңдылық. Соны ескере білген табиғат жанашырларының бұл қадамын дұрыс түсіну керек. Әрі Іле өзенін бойлап құландар тез жерсінетінін ел де, ғалымдар да айтуда. Нұрбол ӘЛДІБАЕВ, «Егемен Қазақстан» Алматы облысы, Кербұлақ ауданы