Медбикелердің білімі жетілдіріледі

Елімізде медицина саласына басымдық беріліп, білікті кадрларды дайындау ісі жыл сайын қарқынды дамып келеді. Осы мақсатта «Медбикелік іс» мамандығы бойынша қолданбалы бакалавриаттың білім беру бағдарламасы дайындалды. Бұл туралы Қазақстан ұлттық телеарнасы хабарлады. Яғни, бұған дейін тәжірибесі бар білікті медбикелер осы колледжерде білім алып, дәрігердің дәрежесіне бір қадам жақындайды. Бұл ақ халатты абзал жандардың жұмысын жеңілдетіп қана қоймай, медициналық көмек сапасының артуына мүмкіндік береді. Республикадағы 6 медициналық колледжге осы бағдарламаны енгізу арқылы «жоғары» деген мәртебе берілді. Соның бірі – Көкшетаудағы медициналық колледж. Мұнда осы мамандық бойынша 50 үміткер тапсырып, 25-і мемлекеттік грант жеңіп алды. Енді олар бір жарым жыл білім алып, бакалавр дәрежесіне ие болады. Жалпы бұл үрдіс шетелде бұрыннан қалыптасқан екен. Елімізде бұл жобаны финляндиялық сарапшылар мен отандық мамандар бірлесе әзірлеген. Айта кетейік, елімізде 26 мемлекеттік, 37 жекеменшік колледж бар. Жыл сайын орта есеппен 12000 медицина қызметкері дайындалады. Айман МҰҚЫШЕВА