07 Қыркүйек, 2016

Ақпарат саясатының басымдықтарын белгіледі

226 рет
көрсетілді
1 мин
оқу үшін
01Елбасы Нұрсұлтан Назарбаев Ақпарат және коммуникациялар министрі Дәурен Абаевты қабылдады, деп хабарлады Президенттің баспасөз қызметі. Кездесу барысында Мем­ле­кет басшысы тиімді ақпарат­тық саясат жүргізудің, елдегі медиа кеңістіктің қауіпсіз­дігін қамтамасыз етудің маңыз­дылығын атап өтті. – Жаңадан құрылған министрліктің маңызы зор. Бүгінде басты міндеттердің бірі – ақпарат кеңістігіндегі түр­лі сын-қатерлерге тиімді қарсы тұра білу. Сонымен қатар, халық арасында эконо­микалық өсімді және тұрғын­дардың әл-ауқатын арттыруды қамтамасыз ету бағытында мемлекет қабылдап отырған шаралар туралы түсіндіру жұмысын тиісті деңгейде жүргізу қажет, – деді Қазақстан Президенті. Бұдан бөлек, Нұрсұлтан На­зар­баев мемлекеттік БАҚ-тар­­дың басшылық құрамын қа­лып­тастыру ісіне мұқият болу қа­жеттігіне назар аударды. – Жоғары талаптарға сай келетін, шетел тілдерін мең­гер­ген және ақпарат кеңісті­гінің басты үрдістеріне сапалы талдау жасай алатын адам­дарды таңдау керек. Жал­­пы, мемлекеттік ақпарат сая­сатының мәселелері ме­нің бас­ты назарымда. Ми­нистрліктің қызметіне тікелей өзім және Президент Әкімшілігінің Бас­шысы бақылау жасайды. Басқалардың араласуына жол берілмейді, – деді Мемлекет басшысы. Ақпарат және коммуника­циялар министрі БАҚ жұмы­сы­ның тиімділігін арттыру, сон­дай-ақ «бір терезе» қағи­даты бойынша халыққа мем­л­е­кет­тік қызметтер көрсету ісін іл­герілету жөнінде қабыл­данып отырған шаралар туралы баяндады. Сондай-ақ, Д.Абаев Қазақ­стан Президентін телекоммуни­кация саласының қызмет ету сапасын арттырудағы ми­нис­трліктің қызметі, соның ішін­де «Сандық Қазақстан» бағ­дарламасын әзірлеу жұмысы туралы хабардар етті.