Алматы облысының Астана қаласындағы күндері аясында ауыл шаруашылығы жәрмеңкесі өтті. Шара «Қуатты өңір – Қуатты Қазақстан» акциясы аясында ұйымдастырылды.
Аталған облыстың тауар өндірушілері мен дихандары Астанаға 340 тонна ауыл шаруашылығы өнімдерін әкелді. Жәрмеңкеде 40-қа жуық өнім түрі ұсынылды. Атап айтқанда, ет және ет өнімдері, балық, көкөніс, жеміс-жидек, сүт өнімдері, жұмыртқа мен бакалея өнімдері бар. Жәрмеңкедегі саудаланған тауарлар базар бағасынан 15-20 пайызға төмен. Сонымен қатар, алматылықтардың кітап пен сәндік-қолданбалы өнер көрмелері Астана тұрғындарының назарына тартылды.
Талғат РАЙЫМБЕК
Фото: Орынбай БАЛМҰРАТ
