Өнерлі қазақтардың өрісті додасы

Алматыда Дүниежүзі қазақтары қауымдастығының «Алматы – Тәуелсіздіктің алтын бесігі» атты өнер фестивалі өтті. Шет елдердегі қазақ диаспорасы өкілдерінің басын қосқан бұл шара Мәдениет және спорт министрлігі Тілдерді дамыту және қоғамдық-саяси жұмыс комитетінің қолдауымен ұйымдастырылды. Тәуелсіздік монументіне гүл шоғын қою рәсімімен басталған шара М.Әуезов атындағы Қазақ мемлекеттік драма театрында сурет көрмесі, термешілер сайысы мен ақындар мүшәйрасына ұласты. Суретшілер көрмесіне суретші, ғалым, ұстаз, өнер қайраткері Бай­тұр­сын Өмірбеков, термеші­лер сайы­сына дәстүрлі ән өнері­нің ше­бері, ұстаз, ғалым Еркін Шүкі­­манов, ақындар мүшәйрасына ақын, қалам­гер Әділбек Алпысбаев бас­таған қазылар төрелік жасады. Жалпы, өнер додасы тартыс­ты өтті. Дүние жүзінің әр түкпірінен келген өнерлі қазақтар, оның ішін­де жастар жоғарыдағы үш ата­лым бойынша бақтарын сынады. Термешілер сайысында жүзден жүйрік шыққан Сәулежан Тақзия (ҚХР) бас жүлдеге, Бауыржан Ермекбаев (Өзбекстан) бірінші орынға, ал Алтыншуақ Төлегенқызы мен Сәния Өнерхан (ҚХР) екінші және үшінші орындарға ие болды. Базаргүл Көбен, Ардақ Асылбек, Қалелбек Арманбек (ҚХР) пен Құмарбек Сәнтайұлы (Моңғолия) ынталандыру жүлдесін алды. Ақындар мүшәйрасында бас жүлдені Әділет Ахметұлы (ҚХР), бірінші орынды Айжан Таба­рак­қызы (Моңғолия), ал екінші орын­ды Қызырбек Дүргінбайұлы (Моңғолия) иеленді. Өзбекстан­нан келген Еркебұлан Қолғанатов үшінші орын алды. Айдана Базар­баева (Өзбекстан), Бақберген Дари­ғаұлы (ҚХР) және Аманжол Бәделұлы мен Оразай Жеңісұлы (Моңғолия) ынталандыру жүлдесі­мен марапатталды. Суретшілер көрмесінде Үйсін Тұрсынбек (ҚХР) Бас жүлде, Аршын Қабылбек (ҚХР) бірінші, Ержан Юсупов (Өзбекстан) екінші, Жалын Бауырхан (ҚХР) үшінші орынға, ал Ерік Құлманов (Өзбекстан), Жәнібек Нұрбек, Мұсабек Әскербек, Жанат Сейіт­қамза (ҚХР) ынталандыру жүл­десімен марапатталды. Өнер фес­тивалі отандық және шет елдегі қазақ диаспорасы өкілдерінің көрнекті қайраткерлерінің қаты­суымен өткен гала-концертпен қоры­тын­дыланды. «Егемен-ақпарат»