Фемида қызметкерлеріне берілді

Ақсу қалалық соты орналасқан ғи­маратқа биыл күрделі жөндеу жұмыс­тары жүргізілді. Ескі үй жаңарып сала берді. Ғимарат 70-ші жылдары тұрғы­зылған. Алғашында онда құрылыс бө­лімі, кейіннен барып  сот орналасыпты. Енді түгелдей Фемида қызметшілеріне беріліп отыр. Мұнда мұрағат, кеңселер, сот мәжілісі залдары бар, бұрынғыдай таршылық етпейді.  Бұрын бөлмелердің жетіспеуінен судьялар сот отырыстарын кабинеттерде өткізіп келіпті. Ал,  мұнда келуші тұр­ғындар үшін бірінші қабатта  кеңсе және  мәжіліс залдары орналасқан. Жа­ңаша кейіпке енген ғимарат сот мәжілістерінің залдарда өтуіне қолайлы жағдай жасады. Бұл өз кезегінде сот істерінің қаралуында тәр­тіп пен жеделдікке әсер етері сөзсіз. Ғи­ма­раттың сырт­қы келбеті де әсем. Тұ­саукесер рәсімге жиналғандар Фемида қызмет­шілерінің сот төрелігін іске асырудағы қажырлы жұмыстарына сәттілік тілеп, ізгі ниеттері мен жылы лебіздерін білдірді. Фарида БЫҚАЙ. Павлодар.