Ханзада Жумонгтың киімі

Корея Республикасының Қазақстан Респуб­лика­сындағы елшілігі жанындағы Корей мәдени орталығы мен Ұлттық музейдің бірлескен тағы бір жобасы – «Ханбок сиқыры» дәстүрлі корей киімдерінің көрмесінде ұсынылды Көрменің ашылу рәсі­мінде Ұлттық музейдің директоры Дархан Мыңбай Корей Республикасының Қазақстандағы елшісі Хан Ман Чун мен Корей ел­шілігі жанындағы Мәдени орталықтың директоры Ли Дэ Вонға, сондай-ақ Корей Республикасындағы Ханбок Федерациясының прези­денті Ли Су Донгқа баға жет­пес ұлттық құнды­лықтарды жеткізіп және бұл жобаны жүзеге асыруға атса­лыс­қан­дары үшін риза­шылық білдірді. Осы орайда айта кететін тағы бір жайт, «ханбок» корей тілінен аударғанда, корей мәдениетінің іске асқан пәл­сапалық көзқарастарын, эстетикасын, сондай-ақ өзін­дік ерекшелігін танытатын «корей киімі» деген ұғымды білдіреді екен. Ал Кореяда батыстық үлгідегі киімдер пайда болғанға дейін, ханбок кәріс халқының күнделікті киімі саналған. Бүгінгі таңда ол жақта ұлттық костюм әдетте халықтық мерекелер (Чусок – егін мерекесі, Жаңа Ай жылы) және отбасылық салтанаттар сәтінде киіледі. Экспозицияға тақта отыр­ған Чосон әулетінен бастап, бүгінгі корейдің дәстүрлі ханбок киімінің әр түрі­нен 96 экспонат қойылды. Тағы бір қызықты жағдай, бұлардың ішінде «Ханзада Жумонг» сериалының бас кейіпкерлерінің түпнұсқа­дағы костюмдері бар... Корея­­ның сан ғасырлық дәстүрлері ерекшелігін сезінуге мүмкін­­дік беретін көрменің есігі 26 қазанға дейін ашық.