Фото: Ашық дереккөз
Осылайша күншығыс халқы 50 жылда алғаш рет шет мемлекеттерге қару сату ережелерін өзгертті. Бұған дейін Жапония тек гуманитарлық немесе бақылау мақсатындағы жабдықтарды ғана шетелге шығара алатын.
Жапония премьер-министрі Санаэ Такаити бұл өзгерістер елдің заңнамасына енгізілген түзетулер арқылы мүмкін болғанын мәлімдеді. Жапония Үкіметі экспорттық саясаттың өзгеруі ел экономикасын жандандырып, Қытай, Ресей және Солтүстік Корея тарапынан күшейіп отырған қауіп-қатерлерге жауап ретінде қарастырылып отырғанын атап өтті. Ел билігі бұл қадам әлемдік саяси ахуалға байланысты аймақтық қауіпсіздікті нығайтуға бағытталғанын қажеттіліктен туындағанын жеткізді.
Алайда бұл шешім ел ішінде сынға ұшырады. Қоғамның бір бөлігі Жапонияның соғыстан кейін қалыптасқан пацифистік ұстанымдарынан алшақтап бара жатқанын айтып, алаңдаушылық білдірді. Сауалнама нәтижесіне сәйкес, азаматтардың 53 пайызы бұл өзгерісті қолдамайды.
Қытай тарапы да Жапонияның шешіміне пікір білдіріп, оны «жаңа үлгідегі милитаризация» деп атап, мұқият бақылау жүргізетінін мәлімдеді.
Нұрболат АМАНБЕК
