02 Наурыз, 2011

Ынтымақтастық мәселесін талқылады

231 рет көрсетілді
Кеше Қазақстан Республикасының Мемлекеттік хатшысы – Сыртқы істер министрі Қанат Саудабаев Женеваға сапа­ры­ның алғашқы күнінде өзінің әріптесі, Ресей Федерациясы Сыртқы істер министрі Сергей Лавровпен кездесуін өткізді. Кездесу барысында министрлер Қазақстан мен Ресей ара­сындағы екіжақты және көп­жақ­ты форматтардағы ынты­мақ­­тастық мәселесін қарас­ты­р­ды. Екі елдің өзара ықпал­дас­тығының бірқалыпты дамып отырғанына қанағаттану­шы­лық­тарын білдіре отырып, әңгі­ме­лесуші тараптар үстіміздегі жылғы маусым айында Астанада өтетін ШЫҰ Саммитінің күн тәртібін ойластыру және Қа­зақстан бастамасымен құ­рыл­ған Азиядағы өзара ықпал­дас­тық және сенім шаралары Ке­ңесінің шеңберіндегі ынты­мақ­тастық мәселелерін талқыға салды. Екі елдің сыртқы саяси ведомство басшылары сондай-ақ Қазақстан, Ресей және Бело­рус­сияны біріктіретін Кеден одағының өзекті мәселелерін қа­растырды. Әңгіме барысында С. Лавров өткен жылғы Қазақстанның ЕҚЫҰ-ға төрағалығына жоға­ры баға берді. 3 сәуірге жос­пар­ланып отырған Президент сайлауын қозғай отырып, әріп­тестер, аталған сайлауды ашық және әділ түрде, атап айтқанда ЕҚЫҰ/БДИПЧ байқаушы өкіл­деріне, ТМД Атқарушы хат­шылығына және Еур­азия­лық экономикалық қауымдас­тық өкіл­деріне тиісті жағдай жасау­дың маңыздылығын атап өтті.
Соңғы жаңалықтар

Қанша адам вакцина салдырды?

Коронавирус • Бүгін, 09:40

847 адам коронавирус жұқтырды

Коронавирус • Бүгін, 09:00

Ұқсас жаңалықтар