Сапалы білім мұғалімге байланысты

Қазақстанда педагог кадр­лар­дың біліктілігін арттыру жүйесі 60 жылдан астам уақыттан бері жұ­мыс жасайды. Осы жылдар ара­­сында аталған жүйе білім беруді дамытуға және оның сапа­сын арттыруға айтарлықтай үле­сін қосты. Қазірде біршама өз­ге­рі­с­­тер енгізілуде. Атап айт­қан­да, білім беру ұйымдары бас­шы­ла­ры­ның біліктілігін арттыру­дың нор­мативтік-құқықтық құ­жат­­та­ры, оқу бағдарламалары, инс­ти­тут­тың жа­ңа құрылымы жасалуда. Жақында «Қазақстан Респуб­ли­­касында Білім беруді дамыту­дың 2011-2020 жылдарға арнал­ған мем­лекеттік бағдарламасын жү­зеге асыру жағдайында педа­го­ги­калық кадрлардың біліктілігін арт­тыру сапасын қамтамасыз ету» та­қы­рыбында семинар өт­кіздік. Онда педагог кадрлар біліктілігін арттыру мәселелері жан-жақ­ты талқыланып, оны жетіл­діру­дің міндеттері мен жолдары анықталды. Біріншіден, барлық тип­тегі білім беру ұйымдарының басшы және ғылыми-педаго­гика­лық кадрлары мен мектеп мұға­лім­дерінің біліктілігін арттыру­дың қажетті деңгейін қамтама­сыз ету үшін мемлекеттік және мемлекеттік емес, республика­лық, об­лыстық, аудандық (қала­лық) білім беру құрылым­дары­ның өзара бай­ланысын күшейту жә­не нақты жүйесін құру; мұға­лім келбетін қалыптастыруға бет­бұ­рыс жасау, олардың үздік жетістіктерін насихаттау, іс-тәжіри­бе­лерін тарату; жо­ғары оқу орын­дары бас­шы­ларын қатыстыра оты­рып, педагог кадрлардың біліктілігін арт­тыру санатын кеңейту. Екіншіден, біліктілікті арт­ты­ру нәтижесінде өнімді еңбек ету талабын қою сапаға мән беріп, қаржы қайырымына қол жеткізу. Өйткені, педагогтардың біліктілігін арттыруға мемлекеттік бюджеттен миллиардтаған теңге қарастырыл­ған. Бір мысал, 2011 жылы бұл іске 2 миллиард теңге бөлінген. Үшіншіден, білім берудің бар­лық деңгейлерінде біліктілікті арт­тыру үдерісіне инновациялық тех­но­логияларды ендіру қажет­ті­лігін ескере отырып, біліктілікті арт­тырудың бағдарламаларын жа­ңар­ту; республикалық, облыстық, Астана және Алматы қалаларын­дағы біліктілікті арттыру инсти­тут­тары қызметтерінің ауқымын кеңейту, білім беру жүйесінің бас­шылары мен мұғалімдерінің ж­а­ңаша ой­лауын қалыптастыруға ба­ғыттал­ған инновациялық бағ­дар­лама­лар­­ды құру; тұтынушы­ның акаде­мия­лық еркіндігін қам­та­масыз ететін, біліктілікті арт­тыру жүйе­сінің модульдік білім бе­ру бағ­дар­ла­ма­лары негізінде пе­да­гоги­калық қыз­меткерлердің сұраны­сы­на ба­ғытталған үйле­сім­ді тетіктерді жасау; таңдауға мүмкін­дік беретін біліктілікті арттыру саласы­ның ваучерлік-модульдік жүйесін 2015 жылға дейін енгізу. Бүгінгі таңда дамыған елдерде педагогтарды дайындау және біліктілігін арттыруды жергілікті жер­де білім ұйымдарында өткізу тиімді деп есептелінеді. Сондық­тан бұл елдерде педагогтардың сынақтан өтуі үздік мектептерде, соның ішінде жоғары оқу орын­дары және біліктілікті арттыру инс­титуттары жанында ұйым­дас­ты­ры­лады. Бізде де осындай бағыт­тарда жұмыстар атқары­луы тиіс. Педагог кадрлардың біліктілігін арттыруда халықаралық ын­тымақтастық негізіндегі мүм­кін­дік­тердің рөлі үлкен. Мұндай өз­ара байланыстың кеңеюі: бә­се­кеге қабілеттілікті арттыруға, оны да­мы­туға, инвестицияны тар­туға, шет елдердегі білім ұйым­дары­мен бірлікте педагог­тар­дың біліктілігін жетілдіруге білім беру қызметі бойынша тәжірибе алма­су­ға мүмкіндік береді. Білім берудегі кез келген өз­герісті ақпарат көздерімен қам­та­ма­сыз етпей мақсат іске аспайды. Сондықтанда біз электрондық оқы­­туды жедел ендірудеміз. Оны да­мыту – әлемдік білім берудің бас­ты бағыты деп білемін. Гүлнас АХМЕТОВА, Білім беру жүйесінің басшы және ғылыми-педагогикалық кадр­лары біліктілігін арттыратын республикалық институтының директоры, профессор.