Жыл басынан бергі инфляция деңгейі 2,6 пайызға жетті

Бұл туралы бүгінгі Үкімет отырысында осы жылдың 9 айындағы ақша, кредит саясаты мен қаржы секторы туралы баяндаған Ұлттық банк басшысы Данияр Ақышев мәлімдеді деп хабарлайды Үкімет үйінен egemen.kz тілшісі. Оның айтуына қарағанда ішкі инфляцияны 8 пайыздық деңгейге келтіру керек. «Себебі, бұл банктің ішкі паритеті. Онсыз инвестициялық белсенділікті қалпына келтіре алмаймыз. Сонымен қатар онсыз теңге бағамын тұрақтандыру мүмкін емес. Биылғы жылдың қыркүйек айы бойынша инфляция 0,2 пайызды құрады. Ал жыл басынан бергі инфляция деңгейі 2,6 пайызға жетті», деді Ұлттық банк басшысы. Бұл дағдарысқа дейінгі уақытта да осындай деңгейде болған. Ал биылғы жылға жоспарланған мақсатты көрсеткішке алдағы екі-үш айдың ішінде қол жеткізуге болады. Динара Бітікова