Коммунистер де сайлауалды штабын ашты

Кеше елордада Қазақстан Коммунистік халықтық партиясынан президенттікке кандидат Жамбыл Ахметбековтің республикалық сайлауалды штабының ашылу рәсімі болды. Қазақстан Коммунистік халықтық партиясының төрағасы Владислав Ко­саревтің тұсаукесер рәсімдегі сөзіне қарағанда, партия Орталық коми­тетінің хатшысы Жамбыл Ахметбеков осы жылдың 26 ақпанында Орталық сайлау комиссиясында ресми тіркеліп, Қа­зақстан Республикасының президенттігіне кандидат мәртебесін алған. Кан­дидатты қолдап қол жинау үде­рістері де ойдағыдай аяқталды. Алты күн ішінде кандидат 96 500 сай­лаушының қолын жинаған. Бүгіннен (3 наурыз) бастап партия атынан президенттікке кандидат Жамбыл Ахмет­бековтің сайлауалды науқаны кең көлемдегі үгіт жұмыстарын бастады. Партия төрағасы сөз барысында партияның сайлау науқаны кезінде алға қойған негізгі мақсатымен де таныстырып өтті. Оның хабардар етуінше, өзін-өзі жұмыспен қамтамасыз ететін адамдардың жағдайын заңды түрде бекітіп, жер телімдеріне ие азамат­тардың құқықтарын қайта қалпына келтіру қажет. Сонымен қатар, жекешеленіп кеткен коммуналдық қызметті халықтың қатысуымен акционерлік қоғам ретінде қайта құру керек. Владислав Косарев, сондай-ақ Коммунистік халықтық партия сайлау үдерістеріне байқаушы ретінде белсене қатысатындығына да тоқталды. Партия басшысының айтуынша, елімізде 2,7 миллионға жуық адам өзін-өзі жұ­мыспен қамтамасыз етіп келеді. Осылардың 70 пайыздан астамы түрлі деңгейде өткен сайлауларға қатысқан жоқ. Партия олардың сайлауға қатысуларына күш жұмылдыратын болады. Тұсаукесерде кандидаттың рес­публикалық сайлауалды штабының жетекшісі Дәукен Темірбаев пен президенттіктен үміткер Жамбыл Ахметбеков те сөз алып, саяси науқанға байла­нысты өз ойларымен бөлісті. Штаб жетекшісінің мәлім етуінше, канди­даттың сайлауалды үгіт жұмыстарын жүргізу үшін облыстық, қалалық және аудандық штабтар құрылып, жұмыс істей бастады. Жақында үгіт пойызы жа­сақталып, ел аралауға шығатын бола­ды. Оның құрамында белгілі ғалымдар, өнер қайраткерлері мен саясаткерлер бар. Ал президенттікке кандидат Жамбыл Ахметбеков өзінің сайлауалды бағдарламасы БАҚ-тарда жариялана­ты­нын айта келіп, Коммунистік ха­лықтық партияның өз жақтаушы­лары­на арнаған үндеуімен таныстырды. Әлисұлтан ҚҰЛАНБАЙ.