Насихат жұмысы басталды

Қазақстан Республикасының к­езектен тыс президенттік сай­лауына түсетін кандидаттар есімі анықталғаны белгілі. Қазақстан Коммунистік халықтық партия­сы­нан президенттікке кандидат Жамбыл Ахметбековтің Алматы облысындағы штабы құрылып, жұмысын бастады. Штаб жетекшісі Магеррам Ма­геррамовпен хабарлас­қаны­мыз­да, облыс аудандарындағы партия ұйымдары сайлаушылар ара­сындағы үгіт-насихат жұмыста­рына байланысты бас қосқанын атап өтті. Онда белсенді коммунистер алдағы саяси науқанның жауапкершілігіне тоқталыпты. Сонымен қатар, президенттікке кандидаттың жұрт сеніп білдірілген адамдары анықталып, олар аудандық штабтарға бөлінген. Олардың арасында Роза Абдрахманова, Жамаладин Хахазов, Ес­батыр Кулачев, тағы басқалар бар. Барлығы үгіт-насихат жұ­мыс­тарына кірісіп кеткен. *  *  * Орталық сайлау комиссия­сы­ның отырысында белгілі бол­ға­нын­дай, Қазақстан Патриоттар пар­тиясынан Қазақстан Рес­пуб­ли­касының президенттігіне кандидат болып тіркелген Ғани Қа­сымовтың Алматы өңіріндегі штаб жетекшісі Серік Айтқожин, Талдықорған өңірі бойынша Дә­рі­бек Қарабасов жетекшілік жасап, алғашқы ұйымдастыру-көп­ші­лік жұмыстары басталып кеткен. Саяси науқанға байланысты жұмыс жоспарында мүмкін­дігін­ше барлық елді мекендердегі ха­лықпен кездесу белгіленген. Өң­ір­дегі аудандық және бастауыш партия ұйымдарындағы жауапты адамдар сайлаушылар арасында­ғы жұмысты жандандыруға кіріскен. Мәселен, Қапшағай қаласын­дағы штаб жетекшісі Балтабай Нұрсейітов сайлаушылардың тізімін нақтылап, олардың арасынан үгіт-насихат топтары құрылға­нын айтты. Патриоттар сайлау­дың ашық және әділ болатынына сенім білдіріп, енді үгіт пойыз­дарын жіберу үшін соңғы әзірлік­терін жалғастыруда. *  *  * Қазірдің өзінде жұртшылық сәуірдегі сайлауда кімді жақтап, дауыс беретіндерін біледі. Осын­дай сауал барысында Талдықор­ған қаласындағы Шығыс шағын ауданының тұрғыны Гүлназ Бей­сембекқызымен пікірлескенімізде ол былай деді. – Жасым 19-да. Мені туған жерімнің тамаша табиғаты сүй­сін­діреді. Оның одан да әсем, жасыл желекке бөленуін, ауа­сы­ның таза болуын қалаймын. Сайлау – халықтың өз таңдауын жа­сайтын сәті ғой. Жақында бұқа­ралық ақпарат құралдарынан Қа­зақстан Республикасының президенттігіне кандидат ретінде тіркелгендер қатарында «Табиғат» экологиялық одағынан Мэлс Ел­еу­сізовтің түскенін білдім. Та­би­ғат пен адам арасындағы тепе-теңдік бұзылғандықтан, әлемнің әр шалғайында әртүрлі келеңсіз жайлар кездесіп отыр. Бұл мені айрықша алаңдатады. Сондықтан да 3 сәуір күнгі сайлауда өз да­уы­сымды М.Елеусізовтің кан­ди­да­ту­расын жақтап беретін боламын. Жетісу жерінде биыл жақсы бастама қолға алынды. Әр елді мекен 20 мың жас көшеттер отырғызып, оның саялы баққа айналуына үлес қоспақшы. Осы сайлауда экологиялық одақты жақтап дауыс беретіндер қатары көбейетіндігіне сенемін. Өйткені, табиғат пен адам егіз ғой. Алматы облысы.