16 наурызда Қазақстан Республикасының Мемлекеттік хатшысы – Сыртқы істер министрі Қанат Саудабаев Қырғыз Республикасының Президенті Роза Отунбаевамен телефон арқылы сөйлесті, деп хабарлады ҚР СІМ-інің баспасөз қызметі.
Әңгіме барысында екіжақты қарым-қатынастың кең ауқымды мәселелері талқыға салынып, Орталық Азиядағы жағдай туралы пікір алмасылды. Тараптар Қырғызстанға әлеуметтік-экономикалық көмек көрсету жөніндегі жоғары деңгейдегі келісімдердің жүзеге асу барысын қарастырды.
Өз кезегінде Р. Отунбаева Қазақстан Президенті Н. Назарбаевқа тұрақты жәрдем мен қолдауы үшін, сонымен қатар, Қазақстан ТЖМ арнайы ұшағының көмегімен 15 наурызда Қырғызстан азаматтарын Жапониядан алып шығарғаны үшін алғысын білдірді.
Тараптар көпжақты пішіндегі өзара ықпалдастық мәселесін, әсіресе, Қазақстан төрағалық ететін ШЫҰ шеңберінде Астанада өтетін Ұйымның мерейтойлық саммитіне дайындық барысын сөз етті.
Соңғы жаңалықтар
Жаңа тариф жергілікті халыққа тиімді
Табиғат • Кеше
Қарағанды облысында алты жасар бала өзенге батып кеткен
Төтенше жағдай • Кеше
Анасы түрмедегі ұлына телефон кіргізбек болған
Қоғам • Кеше
Роза Рымбаева жаңа атаққа ие болды
Мәдениет • Кеше
