«Ливерпуль» ойыншысы жеті жылдан кейін гол соқты (видео)

Англияның «Ливерпуль» футбол командасында ойнайтын жартылай қорғаушы Лукас Лейва жеті жылдан кейін бірінші голын соқты. Бразилиялық футболшы көптен күткен добын кеше Англия кубогының 1/32 финалында «Плимут» командасына салды. Фелипе Коутиньоның бұрыштамадан әуелеткен добына бірінші жетіп, маңдайымен дәл соққы жасады. Кездесу 1:0 есебімен аяқталды. 30 жастағы хавбек соңғы рет 2010 жылы Еуропа лигасында «Стяуа» командасына гол соққан. Айта кетейік, «Ливерпульдің» бұрынғы жартылай қорғаушысы қазіргі «Барселона» ойыншысы Хавьер Маскерано каталон клубының сапында әлі бір де бір гол салмаған.